【草莓覆盆子冰沙】：酸酸甜甜地噶冰沙，味道唔错，唔会太甜，至紧要系够冰，我中意。 【重口味榴莲千层】：比起榴莲千层，重口味榴莲千层噶榴莲味更重，可以见到好多榴莲肉，口感同味道都超正。 【杏仁酥条】：用千层酥皮做噶，咬落非常之松脆，中间有小小Cream，有阵好香噶牛油味，好食。 【牛油排包】：排包口感都几松软嘅，牛油味都几香，味道唔错。 【马卡龙】：马卡龙食落唔会太甜，入边系榴莲味噶，中意榴莲噶朋友唔好错过。 【榴莲盆栽蛋糕】：个造型好靓，上边果朵花系翻糖做噶，唔好食，下边系榴莲慕斯蛋糕加可可粉，口感比较硬，唔够滑，不过味道都系唔错嘅。 【芝士条】：芝士味比较淡，味道一般。 【原味轻芝士蛋糕】：呢个芝士蛋糕同平时食噶果Ｄ芝士蛋糕唔同，口感好似普通噶海绵蛋糕咁，味道都一般。 　【榴莲班戟】：味道同千层差唔多，出面层皮好薄，入边满满噶Ｃｒｅａｍ配上新鲜噶榴莲果肉，咬落都觉得好幸福啊。 　【芒果班戟】：同榴莲噶相比，都系觉得榴莲噶比较好食，比较适合唔中意榴莲噶朋友食，好似我咁重口味噶人都系食榴莲班戟比较好。 【雪米糍】：食左粒芒果味噶雪米糍，层皮就好似自己整噶冰皮月饼咁，入边都一粒芒果噶果肉，糯糯噶口感应该好多女仔都中意呱。 　【金桔柠檬蜜】：食完咁多甜品，呢款饮品就真系唔错啦，青柠噶味道好清爽，饮落酸酸地，啱好消下济。 【大大粒芒果牛奶流心布丁】：切开个布丁之后有好多牛奶流出来，芒果布丁口感比较滑，味道都唔错。