成大班同事来海陵岛，都系大众搜索附近美食，见到有团购又评论都几好，所以30几人齐齐来呢度食，不过，相对唔知系咪因为系团购，又多围，所以味道冇评论嘅咁好，呵呵。 白贝节瓜汤：基本上，都系放晒味精，白贝原有嘅鲜味出唔到来。 炒花甲：不过不失，相对于广州嘅花甲来讲，比较细只，肉都系嫩嘅，不过鼓椒捞得唔匀。 清蒸白花鱼：呢个真系比较失望，海边食海鲜，应该手法系最正嘅，但系，好明显条鱼蒸得超过10分钟，都已经堺咗几刀响鱼身，都要咁耐？肉都鞋晒，咬落有鲜味，但系好似渣多咁。 白灼虾：都唔错，虾线比较干净，不过有几只死虾。 姜葱炒蟹：都系觉得新鲜蟹只有蒸先好味，所以，大家明白喇。 椒盐濑尿虾：椒盐落得重手咗，好咸，所以食唔出濑尿虾的味道。 泥焗鸡：相对于我响清远食嘅，真系差好远，鸡冇肉汁，比较干，唔够嫩滑，冇晒咬挪去果种滴油嘅香味。 秋姐一品煲：唔，都可以啦，基本上都有鱼肉嘅味道。 手打墨鱼饼：炸得过度咗，外皮有嘀韧，内里墨鱼味都可以。 蚝仔煎蛋：蛋煎得过熟，味道都可以。 尖椒炒鲜鱿：我本人觉得呢个比较坑爹，辣椒多到满泄晒，呵呵，不过鱿鱼就系得几旧，而且有嘀韧。 总嘅来讲，味道冇评价讲得咁好，可能系先入为主，后入味道，所以对于我自己来讲系，比较失望嘅一餐，冇食出本地海鲜原有嘅味道，当然，亦都有可能系因为团购有关吧，呵呵。