有生之年食過最差嘅一餐飯:yuk: 入長洲諗住食海鮮，抱住阿仔無時間睇 ope rice, 點知就中伏。見間野都有啲人食，諗住差極有個譜，價錢亦合理，就坐底左，叫左四個餸，介紹如下： 1. 芝士焗龍蝦伊面底 一上台知瀨野，一鑊粥咁，得兩舊有肉，其餘都係頭頭尾尾腳鉗，要用夾夾開先食到，有啲肉仲要係霉，不敢想像是怎樣拼出來的:dislike::dislike: 2. 蒜蓉粉絲蒸本地扇貝 六粒扇貝，細粒到五毫子咁，無豉油無味，粉絲仲要係未熟硬嘅，叫佢蒸過，蒸出嚟粉絲係熟，但完全無味，無胃口食:dislike: 3. 白飯魚煎蛋 較為正常，但加左大量薑絲，唔知係咪要遮住啲唔新鮮嘅味:dislike: 4. 蒜蓉炒西蘭花 西蘭花唔夠霖，無味 埋單 $574，一肚氣，去食碗魚旦粉或掃街好過。