某日见到一张广州食白切鸡既贴，提到有呢间同记，于是揾日中午黎呢度试下。 间店就系坚记隔离个条巷仔里面，其实就系一个民居改成既，入面窄窄地，摆到几张古式台，二楼都有位不过都系唔大,环境卫生真系好嘛嘛。 午市同门口坚记真系无得比，可能要周末人先多挂。话系食白切鸡，但系无茶水供应，自己先系门口收银台落单，老板行开左，门口橱窗个刀手挪住只下策问我要唔要阿？我问旧下策几钱，佢就放称，36蚊。原来系断称买，45蚊一斤白切鸡。老板翻黎，我要白灼鸡肠……未有！有d失望。甘就菜心炒鸡杂18蚊+白切鸡36+2碗白饭4蚊，用手机埋单。鸡已经斩好自己挪入去，再有一块竹牌等炒菜心。 白切鸡配芥辣+豉油。鸡皮爽，鸡冻好滑，鸡肉就一般，唔系靓鸡，而且鸡肉无咩味——浸鸡既白卤水唔够味，更加讲唔上骨都有味呢个要求啦。配料，芥辣既唔辣又唔恭鼻，请问你系唔系芥辣黎架。广州食白切鸡竟然无熟油霖姜葱！得碗葱花浸豉油？！！有d失望。 鸡杂炒菜心，够锅气，但系菜心偏幼。