过年时去十八罗汉山，点去，唔系番禺住既又无四个辘，最方便就系坐地铁到番禺广场，再搭公交车南沙65号，系公交站个度系无呢部车，不过有得坐就系啦。公交车到大岗医院落，仲要跟住导航穿过街巷……反正就系向上行，先到公园北门，北门都几多人，而且多数系本地人。公园免费。 呢个十八罗汉山其实分左几个大景区，金屏山、石磨山、莲塘坪、深坑、仙庙、罗汉岭景区。从北向南行，过年期间，樱花就未开，所以甘多人黎，系睇梨花同桃花。梨花林靓，但系桃花林更大开得更靓。继续前行就系罗汉塔，好多人上香喔。可以登塔，每层都供奉3个罗汉，顶层就供奉舍利。登最高可以远望南沙。 再向南行，人就不断少，北片景点比较多南片就少人，主要南片花比较小，多数系树林。再行1个钟就到南门，个度有个大岗仙庙烧鸡，不过系村里面，我就无入去，之后再要行翻出村揾公交车坐。 总体黎讲公园真系够大，慢慢行几舒服，就系交通唔系几方便，花季黎赏花几好.