呢间牛肉店开系东山市场旁边，一般系做牛肉粉面既，亦有打锅，不过天气越来越热，食打锅既人就越来越少，加之广州食牛肉打锅既潮汕店周围都有，真系唔稀罕啦。 新开张，有特价，猪肉丸外卖11.9一斤，甘平就买一斤试下啦，第一次去啱啱无咩人排队，第二次买撞正整紧，要等，所以企左10几分钟，睇到点整d肉丸啦； 呢间d肉丸唔系手打——机器搅拌，d肉浆系个桶度搅下搅，得就捞出黎，人手一个一个甘叽出黎掉落盘热水度，煮肉丸个盘热水系唔滚既，可能就系保持系一定温度慢慢浸熟d肉丸，等浸够时间就将d肉丸倒到塑料盘上，都几弹架。今次就再加半斤牛丸——太贵，唔买一斤啦。 猪肉丸煮起发得大粒d，而且肉质紧实，牛肉丸煮起里面就多气孔，觉得肉汁少d。 第三次经过，已经无特价啦，猪肉丸要买翻18蚊一斤。