系呢度住左1晚，吃左几餐，总体黎讲系做农家菜，第一餐只鸡系白切上面撒左d炸蒜粒，好香口，呢种食法都系第一次见，第二餐鸡系荷叶蒸，不过鸡肉既味道都系一样，用鸡粉腌过，肉质都几好，但系味道做法有d雷同洛，第三餐系烧鸡，鸡肉反而唔靓，冻鸡，皮都脆，不过食一旧就够。 农家菜有铜盘蒸猪肉，炆山猪肉，牛筋，山笋炒花肉，莲藕炆猪肉，呢d我都觉得麻麻，唔够霖。 小炒有松子玉米、小炒皇、韭菜河虾，丝瓜肉片，小炒都几好，烧腊排骨一般，烧肉就几脆我都食左几旧，就系怕热气的。 最好食既当然系青菜，菜心、油麦菜、生菜……每一种无论白灼或者蒜蓉炒都好好食，每碟都食晒。 鱼，有罗非鱼，鲩鱼，罗非鱼唔新鲜，鲩鱼偏细条肉质削d。 菜式口味偏清淡，可能呢度系疗养院里面，唔适宜大鱼大肉啦。