9月份去红山村有咩嘢睇，无嘢睇，点解去，因为系梯面镇住一晚，无所事事，所以就行去红山村罗，最美乡村喔。 交通，有花都村巴，不过貌似好耐好耐先一班，又唔系油菜花季节，村巴梗系少之又少，当地人一般都自己开车。设施，村外有个公园，话系登山绿道，我地行到都够晒皮，唔上啦，不过公厕卫生就真系好唔错，可能人少挂。 村门口有几个水车，不过有一个已经唔郁，点解，都烂晒，路边本来有个临时商业街，卖下土特产小吃，淡季得一间开，有无生意？霖都霖到啦。 行入去村，本来既花田，一片荒芜，一系就杂草一系就泥地，得几株野花同木瓜自生自灭。村马路对面有个荷花池，荷花反而开得好靓，应该叫莲花先啱，闻到阵阵既莲香啊，池塘尽头有个几靓吓既宾馆，呢个时候，会有咩人黎住啊？ 总之，唔啱既时间黎，无嘢好睇。翻归。