上次系江南西蒙自源食过米线，觉得唔错，于是得闲再黎花城汇呢间食，过年期间仲开而且可以用团购。比较一下两间店？！！环境，江南西个间细又热d，花城汇呢间店面阔落而且冷气够，唔洗食到成面汗。服务，江南西个家店面得一个服务员，客人坐低立刻浸水，同客人介绍菜式，团购落单系店员挪部机去同客人扫码落单。花城汇呢家，店面目测服务员四五个企系度，有客黎唔招呼无送水，团购落单唔该自己走去收银台扫码。两次都食番茄牛肉米线。江南西个家系做好成锅上黎，下面米线上面铺好配菜。花城汇呢家就系配菜同汤一锅，米线另外用碗装起，系客人面前将米线倒落石锅到。讲讲数量种类，同江南西既番茄牛肉米线比较，花城汇呢碗，番茄，有；牛肉，有；火腿午餐肉，无；红萝卜木耳，有；鹌鹑蛋，无；椰菜丝豆皮，有；炸黄豆，有虽然唔脆。个牛肉饼感觉系整好左再加热，都可以啦。