因为系旧楼改造，店里面系长长窄窄，冷气唔系好够，一层3个店员，叫左两三次先同我地落单，好忙咩？我地主食要火焰牛扒同经典牛扒。好快就上，知道火焰牛扒会喷火枪再加热，所以要7成熟，烧几耐其实视乎淋左几多酒，但系烧完又真系几香，烧完牛扒表面仲有d血水，翻一翻用铁板继续加热血水就会收晒啦。肉质几嫩而且爽口。 经典牛扒要坐8成熟，无咩血水但系中间都仲系红色，等一等铁板加热后再食咯，我地都唔惯食生肉既。呢个扒肉质偏扎实d，有嚼头。两个扒都配左2碟仔茄酱同黑椒酱，扒肉其实都够味，切旧肉点2种酱，黑椒偏咸辣，茄酱就酸酸地，感觉有d蒜蓉味。食完牛肉，将d茄酱捞意粉，意粉干爽而且脆口，铁板一直加热煎到d意粉脆卜卜。 食完个扒，饮料甜品都未上，真系未试过。 小吃系一碟仔海草，味精几重下。 好少食饭会遇到饮料竟然慢过主食上架，虽然每张台都有柠檬水自己浸黎饮。饮料唔系原来菜单个三样，而系换左另外4款选2，青柠百香果，要左常温即系唔加冰，柠檬+百香果，酸酸地都可以。另外经典柠檬茶，霖住呢个选择无咩失误，点知呢个柠檬茶真系够晒经典——话茶无茶味，就系柠檬水加冰。 甜品要红豆同鲜果，上左红豆同奥利奥鲜奶冻。下面既奶冻都系一样，滑滑地无咩味，靠上面铺住既甜品——红豆沙或奥利奥饼干碎。 个套餐味道合格，如果系原价就稍贵啦，宜家用券性价比都过得去咯。