偶然发现有家新既泳场,大家评价都系唔错,仲有团购,于是揾日去体验下啦。个泳场地址虽然系写广纸路,但唔系路边,如果从广纸路入要过左足球场一直入,到尽头再过停车场先到。如果坐车可以左220或者963,邓岗小区站落行唔洗100米就到泳场后门,呢个系最近。 一日得3场,下午仲要3点半先开,2个钟,更衣室系临时搭建,储物柜系更衣室里面,自备锁头,否则要再俾钱买,(泳场里面有小卖部)淋浴间就系一个一个铁皮屋仔,即系保安亭甘样,女士区8个淋浴屋,里面有衣架,活动花洒,排气扇同电灯开关。入去换衫前一定要开左个排气扇开关,因为铁皮屋又焗又热,排气扇一定要开到上水时进去冲凉先无甘热,无热水但系太阳晒到d水都兴恰恰。 个场有三个池,一个系带充气既滑梯池,一个系娃娃池,一个系标准池,标准池有浮线分泳道,水质真系几好,一边米4一边米8,虽然系米8深,但系池边有阶梯,企系阶梯个度就唔会浸过头啦。呢个场下午游水既人真系唔多,基本一条泳道一个人游,露天场d水晒到暖晒。