原来呢家餐厅叫餐餐乐，宜家改左叫广府茶室，有咩唔同，菜单差唔多，装修无变，餐具仲系用餐餐乐既，就喺换左个招牌咯。工作日午市去，人真系唔多，同一条马路既个间中式连锁快餐店相比，人流真系差距大啊。 可以单点亦都有套餐，要个番茄猪扒饭配炖汤，30蚊。就系番茄炒蛋+炸猪扒+白饭+青菜，猪扒唔热，炸好放左有一阵了挂，里面d肉汁无咩，不过个碟头饭分量都几够，炖汤喺木瓜排骨汤，木瓜几甜。性价比同个间中式快餐店比其实都系差唔多，但系店员就不如个家甘醒目啦。