呢间点点心思听讲平日打折力度好大，所以要排队喔，不同时段打折力度都唔同，不过我地节日去，咩折都唔打，所以位置好宽裕。中午点几钟去，店员直接俾点心单，话厨房收炉无炒菜啦。最平小点8蚊，最贵超点24，划左4个点心，等左一阵店员推住部车所有点心都上齐，仲讲声新年好。 腊味芋丝糕，6条煎起撒左芝麻，有d焦脆，芋丝几粉。 白搭酱蒸凤爪，有d辣，但系凤爪炆得够晒霖。 上汤桑叶，汤底味道点解甘似皮蛋瘦肉粥？唔通喺上面铺左皮蛋同肉碎？桑叶煮得几霖，不过呢碟菜唔热，放左几耐啊？ 蚝皇腐皮卷，3条，里面有韭黄木耳猪肉同萝卜丝？d馅有d似饺子馅甘。 好传统既粤式点心，出品合格，埋单90几蚊，如果平时2点后半价，就真系抵到不得了