三丝炒面，椰菜、韭菜、火腿炒波纹面，分量好多，觉得唔止一个面饼既量，不过无咩锅气，估计系炒左一批有单就上碟，所以呢个炒面系第一个上。 酱皇蒸凤爪，几霖几入味，4旧，味道合格。 蜜汁叉烧包，呢个最后先食，面多馅少，而且d馅多数都系肥猪肉，对于我呢个挑肥拣瘦既人藜讲，唔推荐。 三丝炸春卷，三旧切开6段上碟，新鲜炸起脆卜卜，里面系韭黄木耳红萝卜白萝卜，素春卷。 岭南鸡蛋挞，暖暖地，皮仲系几酥下，传统茶点无失手。